ولد عاق

القصة صارت على إحدى شواطئ الخليج ……….. قصة حقيقية
فيه أثنين شباب راحوا على البحر يجلسون على الشاطئ و معاهم عشاهم . وهم جالسين يتعشون جتهم عجوزه كبيره في السن وقعدت تلقط الأكل المنثور على الارض وتأكل. ولما شافوها قاموا عليها وقالوا لها انتي جوعانة قالت أنا هنا من الصبح وما أكلت شئ . جابني ولدي من الصبح وراح وخلاني وقالي راح أجي آخذك بعد شوي.المهم جابوا لها عشاء وتعشت . وبعد ما تأخر الوقت شالوا أغراضهم و أحسوا الشباب إن الوقت متأخر والجو بدا يبرد وما يصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي يأخذك . قالت العجوز إيه معي الرقم في ورقه . ولما طلعت الورقة . ايش تتوقعوا مكتوب فيها ؟؟؟؟؟
مكتوب ( من يجد هذه المرأة يآخذها لدار العجزه ) انصعقوا الشباب من المكتوب في الورقة وجلسوا ساعة يترجون العجوز تمشي معاهم . ويحاولون فيها أنها تمشي أي مكان تبيه هي يودونها . أكيد العجوز رفضت أنها تروح معاهم لأن ولدها وعدها إنه يجي يآخذها وتبي تستناه لما يجي.وكانت تقول ولدي راح يجي يآخذني وأنا راح استناه . ما تدري المسكينة إن ولدها تنكر لها ورماها في الوقت الي هي فيه محتاجة له .

>راحوا الشباب عنها وتركوها على أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في مصير العجوزالمسكينة وقام من فراشه وغيره ملابسه وركب سيارته وراح للشاطئ . ولما وصل . شاف الإسعاف والشرطه والناس مجتمعين ودخل بينهم شاف العجوزه قد فارقت الحياه ……
>ولما سألهم عن سبب وفاه العجوز قالوا له أرتفع معها الضغط وماتت . ماتت من خوفها على ولدها يمكن يكون صار له شئ . ماتت وهي تستنا ولدها يجي يآخذها . ماتت وهي بعيده عن أهلها . الله يرحمها برحمته ويدخلها من أوسع أبواب جنته .أدعو معي آمين. أرجو من كل من يقرأ هذه القصة أن ينشرها لتكون موعظة لكل عاق لوالديه .
وأن يعلق على هذا الموضوع لتكون الفائدة أكثر.